Arrihet marrëveshja, Giroud nënshkruan me klubin nga MLS

STADIO GIUSEPPE MEAZZA, MILANO, ITALY - 2024/02/25: Olivier Giroud of Ac Milan looks on during the Serie A football match between Ac Milan and Atalanta Bc. The match ends in a tie 1-1. (Photo by Marco Canoniero/LightRocket via Getty Images)

21:56 | 23 Prill 2024
KRG

Olivier Giroud ka vendosur të largohet nga Evropa, për t’u transferuar në Shtetet e Bashkuara të Amerikës.

Eksperti i transferimeve, Fabrizio Romano, ka bërë të ditur se sulmuesi francez tashmë ka nënshkruar kontratën me Los Angeles dhe mund të konsiderohet si lojtar i tyre, shkruan Gazeta Express.

Pas marrëveshjes verbale të raportuar në mars, Giroud gjithashtu ka nënshkruar të gjitha dokumentet zyrtare si lojtar i ri i LAFC.

Ai do të largohet si lojtar i lirë nga Milani dhe zyrtarizimi i lëvizjes pritet të bëhet në orët në vijim.

Giroud ka nënshkruar kontratë të vlefshme deri në dhjetor të vitit 2025.

Kësisoj, 37-vjeçari do të qëndrojë te Milani deri në fund të këtij sezoni, për t’iu bashkuar pastaj klubit nga MLS.